გაბრწყინებული სახე
და ანთებული თვალები,
ღიმილი ტუჩის კუთხეში
როცა მას რამეს მისწერ.
მერე დაძაბული მზერა
პასუხის მოლოდინში,
ისევ ღიმილი სახეზე,
ცისფერ თვალებში სხვი,
თითები სისწრაფეში
შენს ახალ პასუხს მისწერს.
ო, ნეტა დამანახა
იმისი სახეც ამ დროს,
ალბათ მეორე მხარეს
იგივე სურათია:
გაბრწყინებული სახე
და ანთებული თვალები,
ღიმილი ტუჩის კუთხეში
როცა შენ რამეს მოგწერს.
თან დაძაბული მზერა
შენს პასუხს როცა ელის,
ამჯერად შავი თვალები
და გიშრისფერი სხივი.
ისეთი სითბო იგრძნობა
ამ მიწერ-მოწერაში,
ისეთი სიყვარული,
შორით გიმზერთ და
მე უკვე გულიც კი ამიჩქარდა,
მეც უკვე ტუჩის კუთხეში
ღიმილი მომეძალა,
შავი და ცისფერი თვალების
ამ ბრძოლამ სულ შემშალა...
22.02.14
