მაინც არ ვარ ბოროტი.
კარგი, დამარქვი,
თუ ასე გინდა, მაინც ბოროტი.
თუმც მეგონება, რომ
მე უფრო ვარ
სარკასტული და ირონისტი.
შენ გაიცინებ,
მაინც ჩამთვლი კვლავ მე ბოროტად
და "პირზე კოცნით" ისევ მეტყვი:
- შენ ხარ ბოროტი,
გულით კეთილი, თუმცა
სიტყვები შენ გაქვს ბოროტი".
მე გავიცინებ, არ მეწყინება,
შენს ნათქვამს შევძლებ გავუსწორო
კატისებრი ჩემი თვალები,
და თუნდაც თავზე შენი ხელით
მე დამედგას ბოძებული იგი გვირგვინი
ზედაც წარწერით: "დიდი ბოროტი",
ამაყად ავწევ თავს და გეტყვი:
- მებოროტება, თუმცა
გულით არ ვარ ბოროტი.
20.04.2014
No comments:
Post a Comment